Շնորհավորական հեռագիր

07 / 05 / 2019

Այսօր ԱԽ քարտուղար Արմեն Գրիգորյանը շնորհավորական հեռագիր է հղել Վրաստանի Հանրապետության ազգային անվտանգության խորհրդի քարտուղար Գիորգի Գախարիային:

Հեռագրում մասնավորապես ասված է՝

«Հարգելի պարոն Գախարիա,

Շնորհավորում եմ Ձեզ Վրաստանի Ազգային անվտանգության խորհրդի քարտուղարի պաշտոնում նշանակվելու կապակցությամբ:

Հուսով եմ, որ Ձեր գործունեությունը այս բարձր և պատասխանատու պաշտոնում կնպաստի Վրաստանի ազգային անվտանգության ապահովման հարցերի արդյունավետ լուծմանը, մեր երկու հարևան երկրների միջև բարիդրացիական հարաբերությունների ամրապնդմանը:

Միաժամանակ, անվտանգության ոլորտում համատեղ հետաքրքրություն ներկայացնող հարցերի քննարկման նպատակով հրավիրում եմ Ձեզ հարմար ժամկետում այցելել Հայաստանի Հանրապետություն:

Համոզված եմ, որ Ձեր այցը Հայաստան կնպաստի հայ-վրացական փոխգործակցության զարգացմանը, երկկողմ համագործակցության նոր եզրերի բացահայտմանը` ի շահ հայ-վրացական ավանդական բարեկամության և մեր եղբայրական պետությունների ազգային անվտանգության ապահովման մակարդակի բարձրացմանը:»