Քննարկվել է Հայաստանի 3 սահմանային անցակետերի բարեփոխման ծրագրի իրականացման ընթացքը

07 / 09 / 2011

ԱԱԽ քարտուղար Արթուր Բաղդասարյանն ընդունել է Հայաստանում ՄԱԿ-ի մշտական համակարգող, ՄԱԶԾ մշտական ներկայացուցիչ Դաֆինա Գերչևային:

Տիկին Գերչևան ներկայացրել է Հայաստանի 3 սահմանային անցակետերի բարեփոխման ծրագրի իրականացնող գործընկեր ՄԱԶԾ-ի կողմից կատարված աշխատանքի ընթացքը` նշելով, որ 3 սահմանային անցակետերի բարեփոխման նախագծահաշվարկային աշխատանքներն ավարտված են և առաջիկայում հայտարարվելու է շինարարական աշխատանքների մասնակցության միջազգային մրցույթ:
Արթուր Բաղդասարյանն ընդգծել է Եվրամիության չափանիշներին լիովին համապատասխանող սահմանային անցակետեր ունենալու կարևորագույն առաջնահերթությունն առավելագույնս սեղմ ժամկետներում կենսագործելու անհրաժեշտությունը:
Հանդիպիման ընթացքում քննարկվել են Հայաստան-ՄԱԶԾ համագործակցությանը վերաբերող այլ հարցեր: